Lüksemburq parlamenti 1915-ci il hadisələri ilə bağlı erməni iddialarını dəstəkləyən qərar qəbul edib.
Türkiyə mətbuatı xəbər verir ki, Xristian Demokratların parlamentin gündəliyinə saldığı məsələ digər deputatlar tərəfindən də dəstəklənib.
Lüksemburqun xarici işlər naziri Jean Asselborn Türkiyə və Ermənistanı “barışmaq” yolunda yeni addım atmağa çağırıb.
Asselborn deyib ki, 1915-ci il hadisələrini “soyqırım” kimi tanımaq Türkiyəyə qarşı düşmən mövqedə olmaq demək deyil: “Ölkə başçısı Rəcəb Tayyib Ərdoğana və baş nazir Əhməd Davudoğluna ermənilərə göndərdikləri başsağlığı mesajları ilə bağlı təşəkkür etdik. Biz bununla türkiyəli rəhbərləri öz keçmişləri ilə üzləşməyə cəsarətləndirdik”. (AzNews.az )
