Türkiyədə hakim Ədalət və İnkişaf Partiyasının (AKP) mayın 22-də keçiriləcək növbədənkənar qurultayı öncəsi partiya sədri və baş nazirin kim olacağı ətrafında gərgin müzakirələr gedir.

Aktual.az AzVision.az-a istinadən xəbər verir ki, “Hürriyət” qəzetinin yazarı Abdülkadir Selvinin iddiasına görə, Türkiyənin yeni baş naziri və AKP sədri Binəli Yıldırım olacaq.

Onun sözlərinə görə, B.Yıldırımın AKP sədri seçilməsi ilə Türkiyədə prezidentlə “yarışan” yox, “həmrəy” olan baş nazirlik modeli qurulacaq.

Qeyd edək ki, A.Selvi AKP hökumətinə yaxınlığı ilə bilinir.