HƏMAS lideri İsmayıl Haniyənin Tehranda alçaq bir sui-qəsd nəticəsində qətlə yetirilməsini lənətləyirik.
Aktual.az xəbər verir ki, bu barədə Türkiyə Xarici İşlər Nazirliyinin bəyanatında qeyd olunub.
"Netanyahu hökuməti sülh niyyətində olmadığını növbəti dəfə sərgilədi. Bu hücum Qəzza məsələsini regional müstəvidə genişləndirməyi hədəfləyirlər. Beynəlxalq toplum İsraili dayandırmaq üçün hərəkətə keçməyəcəyi təqdirdə bölgəmiz bundan daha çox böyük qarşıdurmalara şahid olacaq”, - açıqlamada bildirilib.