"İyulun 15-i Türkiyədə rəsmi qeyri-iş günü olacaq".

Aktual.az  report-a istinadən bildirir ki, bunu Türkiyə prezidenti Rəcəb Tayyib Ərdoğan icra nümayəndələri ilə keçirdiyi görüşdə bildirib.
O, 27 icra nümayəndəsi ilə görüşdəki çıxışının sonunda iyulun 15-nin rəsmi qeyri-iş günü olacağını söyləyib: "İyulun 15-i hər il şəhid və qazilər günü olaraq tətil ediləcək".
Qeyd edək ki, bu il iyulun 15-də Türkiyədə dövlət çevrilişinə cəhd olub. Rəcəb Tayyib Ərdoğanın müraciətindən sonra ölkə vətəndaşları demokratiyanı müdafiə məqsədilə Türkiyənin küçə və meydanlarına çıxıblar.