Türkiyənin Suriya ilə həmsərhəd Kilis əyalətində terrorçular türkiyəli hərbçini qətlə yetirib.

Aktual.az APA-ya istinadən xəbər verir ki, terrorçular Suriyaərazisindən hərbçiləri atəşə tutub.

Məlumata görə, hərbçilər sərhəd zolağını patrul edərkən qanunsuz Türkiyə ərazisinə keçməyə cəhd edən bir qrup şəxsi aşkarlayıblar. Silahlı şəxslər hərbçiləri atəşə tutublar. Əyalət valisiSüleyman Tapsızın sözlərinə görə, hərbçilərdən biri hadisə yerində həlak olub, daha biri isə itkin düşüb: "Atışma baş verdiyi ərazi Suriya tərəfində İŞİD terror qruplaşmasının nəzarəti altındadır", - deyə Süleyman Tapsız bildirib.

Bundan başqa, Batman əyalətində PKK terrorçuları xidməti avtomobildə hərəkət edən hərbçiləri avtomat silahdan atəşə tutublar. 20 dəqiqə davam etmiş atışma zamanı terrorçulardan biri öldürülüb, daha biri ələ saxlanılıb. Daha bir terrorçu ərazidən uzaqlaşa bilib, onun axtarışları davam edir. Hücum zamanı yerli polis komissarının müavini həlak olub, daha bir asayiş keşikçisi yaralanaraq xəstəxanaya yerləşdirilib.