İlham Əliyevin jesti geniş müzakirə mövzusuna çevrilib.

Martın 13-də Türtkiyənin paytaxtı Ankarada baş verən terror aktı prezident Rəcəb Tayyib Ərdoğanın Azərbaycan səfərini ikinci dəfə təxirə düşməyinə səbəb oldu.

Aktual.az  virtualaz.org-a istinadən xəbər verir ki, Azərbaycan prezidenti İlham Əliyev isə həmkarının martın 15-də gözlənilən səfərinin baş tutmamasına cavab olaraq özü bu gün Türkiyəyə gedib. 

İlham Əliyevin Türkiyə səfəri qərarı belə bir dönəmdə gözəl jest kimi qiymətləndirilib və sosial şəbəkələrdə geniş müzakirə mövzusuna çevrilib.

“Twitter” mikrobloqlar servisinin türkiyəli istifadəçiləri “#CanAzerbaycan”, “#gardaş”, “#İlhamAliyev” və s. bu kimi heşteqlərlə Azərbaycana təşəkkür ediblər.

Məlumat üçün bildirək ki, prezident İlham Əliyev artıq Türkiyədədir və onun rəsmi qarşılanma mərasimi baş tutub.

Xatırladaq ki, martın 13-də paytaxt Ankarada baş verən terror aktı 37 nəfərin həyatına son qoyub, 125 nəfərin isə yaralanmasına səbəb olub.