Türkiyə Rusiya ilə münasibətlərdə böhran daha da dərinləşərsə, İsrail ilə əlaqələri bərpa edə bilər.
Aktual.az Trend-ə istinadən xəbər verir ki, bunu "Yeni Şəfəq" qəzetinin köşə yazarı, xarici siyasət üzrə ekspert Yusuf Kaplan deyib.

O, hesab edir ki, Türkiyə rəsmi Ankaranın ümumiyyətlə heç bir alternativi qalmayanda İsraillə əlaqələri düzəldə bilər.

Y.Kaplanın fikrincə, Türkiyə-Rusiya münasibətlərinin kəskinləşməsində Qərb ölkələri böyük rol oynadı: "Qərb Rusiyaya vəd verdi ki, Moskva Suriyada radikallara qarşı hərbi əməliyyatlara başlasa, ölkəyə qarşı tətbiq olunan sanksiyaları ləğv edəcək".