AzNews.az xarici KİV-lərə istinadən xəbər verir ki, hadisə "Jet Blue” aviaşirkətinə məxsus təyyarədə İvankanın uşaqlarının gözü qarşısında baş verib. İvanka göyərtəyə daxil olan kimi naməlum şəxs onun üzərinə gedərək təhqir etməyə başlayıb. Bu zaman İvanka qorxmuş uşaqlarını sakitləşdirməyə çalışıb. 

Hadisə şahidlərinin sözlərinə görə, həmin şəxsi ən çox əsəbiləşdirən Trampın qızının onunla eyni təyyarədə uçması olub. "Sənin atan ölkəni idarə edir. Sən niyə buradasan? Sən öz şəxsi təyyarəndə uçmalısan”-deyə o qeyd edib. 

İvankanın uşaqlarını da təhqir edən şəxs bildirib ki, Donald Tramp Amerikanı məhv edir, buna görə də, onun qızı və nəvələri digər vətəndaşlarla bir göyərtədə olmamalıdır. 

Hücum edən şəxs qaydaları pozduğuna görə təyyarədən çıxarılıb.