Respublikaçı Donald Tramp və hazırkı vitse-prezident Kamala Harris ən yüksək dövlət postuna namizədliklərinin rəsmi irəli sürülməsindən sonra ilk teledebat keçirəcəklər.
Aktual.az xəbər verir ki, ABC telekanalının təşkil edəcəyi debat Pensilvaniya ştatının Filadelfiya şəhərində keçiriləcək və 90 dəqiqə davam edəcək.
Yayım Amerikanın bütün əsas televiziya kanalları tərəfindən ABŞ-ın şərq sahili vaxtı ilə saat 21:00-da (11 sentyabr Bakı vaxtı ilə 5:00) başlayacaq. Debatın moderatorları ABC telekanalının jurnalistləri Devid Muir və Lindsi Devis olacaq.