Demokratlar Partiyasının rəhbərliyi Amerika lideri Cozef Baydeni seçki yarışından "qeyri-demokratik şəkildə” çəkilməyə məcbur edib.
Aktual.az xarici KİV-ə istinadən xəbər verir ki, bunu ABŞ-nin keçmiş prezidenti Donald Tramp Şimali Karolina ştatında tərəfdarları qarşısında çıxışı zamanı deyib.
"Əslində baş verən odur ki, Demokrat Partiyasının liderləri çox qeyri-demokratik addım atıblar, onlar Baydenə deyiblər: ya siz gedəcəksiniz, ya da biz Konstitusiyaya 25-ci düzəlişdən istifadə edərək sizi çıxaracağıq", - Tramp bəyan edib.
ABŞ Konstitusiyasına edilən 25-ci düzəliş prezidentin öz vəzifələrini yerinə yetirə bilməyəcəyi müəyyən olunarsa, onun vəzifədən uzaqlaşdırılmasını və vitse-prezidentin onun səlahiyyətlərini müvəqqəti olaraq öz üzərinə götürməsi prosesini tənzimləyir.
Xəbər 169 dəfə oxunub.