Rusiyanın Su-24 təyyarəsinin vurulmasının arxasında Amerika Birləşmiş Ştatları durur.
Aktual.az AzNews.az-a istinadən xəbər verir ki, bu iddia ilə Rusiya Federasiya Şurasının Beynəlxalq işlər üzrə Komitə üzvü İqor Morozov çıxış edib. İqor Morozov Türkiyənin ABŞ-ın dəstəyi ilə Rusiyaya aid döyüş təyyarəsini vurduğunu bildirib. Rusiya rəsmisi nə vaxtsa təyyarələrinin vurula biləcəyini qeyd edib: “ABŞ xarici işlər naziri John Kerry Rusiyanın bu şəkildə hərəkət etməyə davam etməsi halında təyyarələrinin vurulacağını söyləyirdi. Nəticədə də “Su-24” tipli təyyarəmiz vuruldu. Biz bunun digər tərəfdən olacağını düşünürdük. Amma bu zərbə bizim öz müttəfiqimizdən gəldi”.
