Aktual.az-ın apasport.az-a istinadən verdiyi məlumata görə, Çempionlar Liqasının püşkatma mərasiminin keçiriləcəyi Monakoda həm də ötən mövsümün ən yaxşı oyunçusu müəyyənləşəcək.
Tədbir Bakı vaxtı ilə saat 20:00-da başlayacaq.
Mükafatı qazanmağa 3 namizəd var. Bunlar Madrid "Real”ının hücumçusu Kriştianu Ronaldo, "Barselona”nın futbolçusu Lionel Messi və "Yuventus”un kapitanı Canluici Buffondur.
Messi və Ronaldo indiyə qədər hərəyə 2 dəfə bu nominasiyada qalib olduqları halda, Buffon ilk uğurunu qazana bilər. 
Qeyd edək ki, ötən il Avropanın ən yaxşı oyunçusu Kriştianu Ronaldo seçilib.