Xəbər verdiyimiz kimi, bu gün Bakı-Sumqayıt yolundakı dəhşətli qəzada 5 nəfər ölüb, 7 nəfər yaralanıb.

“Qafqazinfo”nun cenubnews-a istinadən məlumatına görə, artıq qəzada həlak olanlardan Masallı rayon sakinləri Amil Abdullayev və Elnur Cəfərov doğulduqları rayonda dəfn olunacaq.

Xatırladaq ki, Amil Abdullayev “Embawood” şirkətinin işçisi olub. Evin tək oğlu olan Amil bir müddət öncə atasını da itiribmiş. A.Abdullayev həm də tələbə olub, xaricdə təhsil alırmış.

Qəzada ölən digər sərnişin Cəfərov Elnurun yaxınları isə bildiriblər ki, o, 25 gün əvvəl qız atası olub.