SOCAR Monteneqronun qazlaşdırılmasında maraqlıdır.

Aktual.az-ın Trend-ə istinadən  məlumatına görə, bunu jurnalistlərə SOCAR-ın prezidenti Rövnəq Abdullayev deyib.

Onun sözlərinə görə, SOCAR Albaniyanın qazlaşdırılması üzrə layihəni hazırlamağa davam edir: "Bu yaxınlarda Monteneqro bu layihəyə qoşulmaq istədi. Biz Albaniya və Monteneqronun qazlaşdırılması üzrə böyük layihənin birgə texniki iqtisadi əsaslandırılmasını hazırlamağı planlaşdırırıq. Bu daha sərfəli olacaq. TAP istismara verildikdən sonra Albaniya daha çox qaza malik olacaq və onun Avropada distribusiyası ilə məşğul olmaq daha maraqlı olacaq".