“Azərbaycan və Gürcüstan arasında əməkdaşlıq davam edəcək və seçkinin nəticələri bu münasibətlərə heç bir mənfi təsir göstərməyəcək.

Əksinə, iki ölkə arasında əlaqələr yüksələn xətlə inkişaf edəcək”.

Aktual.az-ın Trend-ə istinadən məlumatına görə, bunu Seçki-2015.az saytının seçkilərdən sonra ikitərəfli münasibətlər barədə sualına cavab olaraq Gürcüstanın Azərbaycandakı səfirliyinin mətbuat katibi Kaxa Abdaladze bildirib.

O, qeyd edib ki, Azərbaycan və Gürcüstan qardaş ölkələrdir: "Qarşılıqlı münasibətlərdə hər hansı dəyişiklikdən söhbət gedə bilməz. İki ölkə böyük müştərək layihələr həyata keçirir. Düşünürəm ki, noyabrın 1-də Azərbaycanda keçiriləcək parlament seçkilərindən sonra bu əlaqələr daha da möhkəmlənəcək, hər iki ölkənin inkişafında mühüm əhəmiyyətə malik işlər görüləcək".

Aktual.az