Serj Sarkisyanın bu yaxınlarda Sankt-Peterburqa baş tutan səfəri zamanı Rusiya silahının Ermənistana çatdırılmasına dair razılıq əldə edilib.

Aktual.az  azvision.az-a istinadən bildirir ki, bunu Ermənstan parlamentinin vitse-spikeri Eduard Şarmazanov deyib. 

"Biz rəsmi Moskva ilə əlaqələrimizi dərinləşdirməliyik. Silahlanma baxımından, həm də tərəfdaşlıq əlaqələrinə dair dəqiq razılaşmalar əldə olunub", - deyə Şarmazanov bildirib. 

Qeyd edək ki, iyunun 20-də Sankt-Peterburqda Rusiya, Azərbaycan və Ermənistan prezidentlərinin Dağlıq Qarabağ münaqişəsinin nizamlanmasına dair görüşü keçirilib.

Görüşdən sonra Azərbaycan və Ermənistanın XİN rəhbərləri açıqlama yayaraq danışıqların uğurlu keçdiyini bəyan ediblər.

Birgə bəyanatda qeyd olunub ki, Rusiya, Azərbaycan və Ermənistan prezidentləri Dağlıq Qarabağ münaqişəsi ilə bağlı müntəzəm olaraq üçtərəfli görüşləri davam etdirmək barədə razılığa gəliblər.