Macarıstanın paytaxtı Budapeştdə beynəlxalq qrosmeyster və beynəlxalq usta norma qruplarında şahmat turniri keçirilib.

Qaynarinfo xəbər verir ki, beynəlxalq usta normalı turnirdə iştirak edən "Təhsil” Respublika İdman Mərkəzinin (RİM) 3 nömrəli RİOEUGİŞM-in yetirməsi Ümid Aslanov yarışda üçüncü yeri tutub. Belə ki, 10 titullu şahmatçının iştirakı ilə dairəvi sistem üzrə keçirilən yarışda Ü.Aslanov 9 oyundan 5 xal toplayıb və beynəlxalq reytinqini 60 vahid artırıb.

Qrosmeyster normalı turnirdə çıxış edən "Təhsil” RİM-in 3 nömrəli RİOEUGİŞM-in yetirməsi Kənan Qarayev isə 9 oyundan 3,5 xalla turniri 7-ci pillədə başa vurub.