Saçların sürətli uzanması üçün ilk növbədə saç dərisi təmiz və sağlam olmalıdır. Bakteriya və yağ əmələ gəlməsini əngəlləmək üçün saç dərisini təmiz saxlayın, saçlarınızı həftədə 2 ya 3 dəfə yuyun.

 

 

Saçları uzatmağın ən effektiv vasitələrindən biri də masajdır. Masaj başın qan dövranını sürətləndirir, nəticədə saç kökləri daha möhkəm olur. Həftədə bir dəfə badam, zeytun və ya hind yağı ilə saç diblərini masaj edin.

 

Saç köklərinin əsasını zülallar təşkil edir. Zülal, həmçinin E və C vitamini ilə zəngin qidalar yemək saçların sürətlə uzanmasını təmin edir. Odur ki, şirniyyatları balıq, meyvə və tərəvəz kimi faydalı qidalarla əvəz edin. İstifadə etdiyiniz şampun, maskaların da tərkibində zülal, E və C vitamini olmasına diqqət edin.

 

 

Saçların sürətli uzanması üçün gündə 1,5-2 litr su için. Beləliklə, həm saçlar tez uzanacaq, həm də onlar daha sağlam və parlaq görünəcək.

 

 

İsti su baş dərisində olan bütün yağı yuyub aparır, dolayısı ilə saç kökləri qidalanmır və uzanma prosesi dayanır. Uzun saçlar həsrətindəsinizsə, ilıq sudan istifadə edin.(Publika.az)