Cənubi Koreyada prokuror keçmiş prezident Yun Sok Yola 10 il həbs cəzası tələb edib.
Aktual.az xəbər verir ki, bu barədə "Röyters” məlumat yayıb.
"Tələb əsasən, hüquq-mühafizə orqanları əməkdaşlarının işinə mane olmaq ittihamları ilə bağlıdır (hərbi vəziyyətin tətbiqi ilə bağlı hadisələrdən sonra Yolu həbs etmək cəhdləri də daxil olmaqla)”, - məlumatda deyilib.
Qeyd edək ki, 3 dekabr 2024-cü ildə Yun Sok Yol Cənubi Koreyada hərbi vəziyyət elan etmişdi. Əsassız hərbi vəziyyətə görə dekabrın 14-də parlament ona impiçment elan edib. Yanvarın 15-də üsyanda ittiham olunan prezident həbs olunub. O, mart ayında azadlığa buraxılıb. Aprel ayında Koreyanın Konstitusiya Məhkəməsi prezidentin impiçmentini yekdilliklə təsdiqləyib.