Sabah saat 10:00-dan 15:30-a qədər dək Abşeron rayonununun AAAF Yaşayış massivinə və Masazır qəsəbəsinin bəzi ərazilərində elektrik enerjisinin verilişində qısa müddətli fasilələr yaranacaq.
Bu barədə
Aktual.az-a "Azərişıq” ASC-nin mətbuat xidmətindən məlumat verilib.
Məlumata görə, fasilə 110 kv-luq "I Binəqədi hava elektrik verilişi xətti"ndə aparılan yenidənqurma işləri ilə əlaqədardır.
Bundan əlavə sabah saat 10:00-dan 16:00-a qədər Pirşağı-Sumqayıt dəmir yolunun 35-ci km-də Fatmayı yeraltı avtomobili yol keçidinin tikintisi ilə əlaqədar 110/35/6 kV-luq "136 saylı yarımstansiya"dan çıxan, Bağlar ETSİ-nin balansında olan 6 kV-luq hava xətti də şəbəkədən açılacaq və Fatmayı bağlarının bəzi ərazilərində elektrik enerjisinin verilişində qısa müddətli fasilələr yaranacaq.
"Azərişıq" yaranacaq narahatlığa görə istehlakçılarından üzr istəyib.
Xəbər 223 dəfə oxunub.
