Ruslar ərzağa daha az pul xərcləməyə başlayıblar.
Aktual.az xəbər verir ki, bu barədə bir sıra rusiyalı iqtisadçının anket və hesablamalarında qeyd olunub.
İqtisadçılar Rusiya mağazalarında alkoqol istehlakının azaldığını, həmçinin kabablıq ətin pərakəndə satışında 11%-dən çox azalma olduğunu qeyd ediblər.
Onların sözlərinə görə, rəsmi mətbuat bunu yayın sərin keçməsi ilə əlaqələndirsə də, bu, belə deyil. Çünki Rusiyada ət istehlakı ən azı 7% azalıb.
"Vətəndaşlarımızın müəyyən faizi var ki, yaxşı gəlir əldə edir. Bunlara hərbi qulluqçular və müdafiə sənayesi işçiləri daxildir. Lakin əksəriyyət üçün bu, daha çətindir - qiymətlər gəlirlərdən daha sürətlə yüksəlir. Aksiz vergiləri artır, kommunal xərclər artır, yanacağın qiymətləri də artır – bütün bunlar vətəndaşların real rifahına təsir edir”, - Rusiya Mərkəzi Bankındakı mənbə "Kremlyovskaya Tabakerka” kanalına açıqlamasında deyib.