Rusiya Əbu-Dabidə aparılan danışıqlara ciddi yanaşmır, lakin ABŞ-ın sülh sazişinə nail olmaq cəhdi ilə Ukraynaya irəli sürdüyü güzəştlərin səviyyəsindən razıdır.
Aktual.az xəbər verir ki, bunu Avropa Birliyinin baş diplomatı Kaya Kallas deyib.
Kallas qeyd edib ki, ABŞ-ın Rusiya ilə danışıqlarda Ukraynaya irəli sürdüyü güzəştlər kifayət qədər ciddi xarakter daşıyır:
"Düşünmürəm ki, Rusiya üçün amerikalılarla əldə ediləcək razılaşmadan əlavə biz nəsə təklif edə bilərik. Bu isə belə bir sual yaradır: əgər onlar bu münasibətlərdə istədiklərini alırlarsa, nə üçün AB ilə danışmalıdırlar?”
Onun sözlərinə görə, AB hazırda Rusiyaya daha çox təzyiq göstərmək üçün iş aparır ki, Moskva danışıqlarda iştirak edirmiş kimi davranmağı dayandırsın və real danışıqlara başlasın:
"Bunu başa düşmək vacibdir. Əgər Əbu-Dabidəki bu danışıqlara baxsanız, görərsiniz ki, ruslar qərar qəbul etmək səlahiyyəti olan səviyyədə təmsil olunmayıblar. Demək, onlar buna ciddi yanaşmırlar”.