Rusiyada təqaüdçü qadın küçədə tapdığı 250 min rublu (təxminən 6300 manat) sahibinə qaytarıb.

"Report" Rusiya mətbuatına istinadən xəbər verir ki, hadisə Xabarovskvilayətində baş verib.

Təqaüdçü küçədə içində böyük məbləğdə pulun olduğu bağlama aşkarlayıb. Qadın onu polisə təhvil verib və bundan sonra həmin vəsaitin sahibi tapılıb.

71 yaşlı qadın bildirib ki, tapdığı bağlamada 250 min rus rublu və yarım mindən çox Çin yuanı (370 manatdan çox) aşkarlayıb.

Polis müəyyənləşdirib ki, pulun sahibi banka tələsirmiş, buna görə də pulların olduğu bağlamanı yerə saldığını hiss etməyib. O, polisə təşəkkür edib və təqaüdçüyə sağlamlıq arzulayıb.