Rusiyanın Uzaq Şərq ərazisində iki "Su-34” qırıcı təyyarəsi toqquşub.

"Report” xəbər verir ki, məlumatı "TASS” yayıb.

Hadisə yanvarın 18-də səhər saatlarında dəniz sahilinə yaxın ərazidə baş verib. Təyyarələrdən birinin pilotu katapult edib. Amma onun sağ qalıb-qalmadığı məlum deyil. Digər təyyarənin pilotunun taleyindən də xəbər yoxdur.

Hadisə ilə bağlı araşdırma aparılır.