Rusiya Sinay yarımadası üzərində təyyarəni vuran terrorçular cəzalanana qədər Xəzər dənizi üzərindən hava məkanını istifadə etməyə davam edəcək.

Aktual.az AzVision.az-a istinadən xəbər verir ki, bu barədə Rusiya prezidenti Vladimir Putin Türkmənistanlı həmkarı Qurbanqulu Berdiməhəmmədovla görüşü zamanı bildirib.

“Bizim dostlarımızın Xəzər dənizi üzərində hava məkanından istifadə etməyimizə dair narahatlığa gəldikdə isə hələ ki, bizim qazaxıstanlı həmkarlarımız bu barədə heç nə deməyib, lakin biz bunu nəzərə alarıq.

Biz anlayırıq ki, bəzi narahatlıqlar yaranır, lakin biz hamımız bilirik ki, Rusiyanın terrorizmlə göstərdiyi bütün səylərin yükü ilk növbədə məhz Rusiyanın üzərinə düşür...

İŞİD və digər terror təşkilatları heç kimə mərhəmət vermir, onlar vəhşilik edirlər.

Ona görə də, əgər hər hansı bir narahatlıq yaranırsa, onda onları minimuma endirmək lazımdır. Lakin bizim təyyarə ilə bağlı faciəvi təcrübəni nəzərə alsaq, onda biz cinayətkarları cəzalandırmaq üçün lazım bildiyimiz müddətə qədər bunu etməyi davam etdirəcəyik”, - deyə Putin bildirib.