Rusiya Silahlı Qüvvələri Ermənistandakı Erebuni hərbi bazasına hərbi və nəqliyyat helikopterləri göndərib.

Aktual.az-ın AzVision.az-a istinadən məlumatına görə, bu barədə “RİA Novosti” agentliyi Cənub Hərbi Dairəsinə istinadən xəbər verir.

“Bu ilin sonlarına qədər helikopterlərdən ibarət daha bir partiya yola salınacaq. Helikopterlər, Rusiyaya məxsus “Mi – 29” qırıcılarının yaxınlığında, uyğunlaşdırılmış dayanacaqlarda yerləşdiriləcək. Aviasiya avadanlıqlarının quraşdırılması prosesi ay ərzində yekunlaşacaq və məhz bundan sonra pilotlar uçuşlara başlayacaq”, - deyə hərbçilərin yaydığı məlumatda bildirilir.

Bu mərhələ zamanı Ermənistana 7 Mi-24 P zərbə helikopterləri və “Mi-8MT” nəqliyyat helikopterləri göndəriləcək.