Almaniyanın Konstitusiyanın Mühafizəsi üzrə Federal İdarəsi Rusiya Baş Kəşfiyyat İdarəsini kibercinayətkarlarla əlaqədə günahlandırıb.
Aktual.az xəbər verir ki, bu barədə idarənin kibertəhlükəsizlik üzrə hesabatında qeyd olunub.
Agentlik hesabatı Federal Təhqiqatlar Bürosu (FTB), ABŞ Kibertəhlükəsizlik və İnfrastruktur Təhlükəsizliyi Agentliyi (CİSA), Milli Təhlükəsizlik Agentliyi (NSA) və digər beynəlxalq tərəfdaşlarla birgə hazırlayıb.
Hesabatda iddia edilir ki, Baş Kəşfiyyat İdarəsinin tərkibində kibertəhlükələrə cavabdeh olan "29155 bölmə” yaradılıb.
Məlumata görə, bölmə casusluq, təxribat və nüfuza xələl gətirməklə məşğuldur. Hesabatda bu bölmənin istifadə etdiyi taktika və üsullara da yer verilib.