Portuqaliya yığmasının hücumçusu Kriştianu Ronaldu Qətərdə keçirilən dünya çempionatının 1/8 finalında İsveçrə ilə oyun üçün start heyətində yer almayıb.
Aktual.az xəbər verir ki, 37 yaşlı portuqaliyalı 2008-ci ildən bəri ilk dəfə 11-liyə düşə bilməyib.
O, 2008-ci ildə keçirilmiş Avropa çempionatında meydan sahiblərindən biri olan İsveçrə ilə qrup mərhələsinin son matçında ehtiyatda oturub. Həmin matçadək 1/4 finala vəsiqəni təmin etmiş portəkizlər formal matçda 0:2 hesabı ilə uduzub. Maraqlıdır ki, hər 2 qolu indi İsveçrə millisinin baş məşqçisi olan Murat Yakının qardaşı Hakan Yakın vurmuşdu.
Ümumiyyətlə, Ronaldu indiyədək ardıcıl 31 dünya çempionatı və Avropa çempionatı matçına çıxıb.
Qeyd edək ki, Portuqaliya – İsveçrə oyununun qalibi 1/4 finalda Mərakeşlə oynayacaq.