Vatikanın Cənubi Qafqaz üzrə elçisi, nunsi Marek Solçinskinin rəhbərlik etdiyi nümayəndə heyəti mayın 15-17-də Bakıda səfərdə olub. 

Aktual.az Report-a istinadən xəbər verir ki, bu barədə Roma-Katolik Kilsəsinin Azərbaycandakı apostol prefekturasının ordinarisi Vladimir Fekete bildirib.

Onun sözlərinə görə, Vatikan nümayəndə heyəti Bakıda Roma Papasının bu ilin oktyabrında Azərbaycana planlaşdırılan səfərin proqramını və gündəliyini müzakirə edib: "Səfər çərçivəsində nümayəndə heyəti bir sıra görüşlər keçirib. Belə görüşlərdən biri Qafqaz Müsəlmanları İdarəsinin (QMİ) rəhbəri Allahşükür Paşazadə ilə baş tutub. Görüşlərdə Roma Papasının Azərbaycana səfəri ilə bağlı məsələlər müzakirə edilib". 

Görüşlərdə səfərin tarixi müəyyənləşdirilib. Səfər oktyabrın 2-də baş tutacaq.