Gənclər üçün Təhsil Mərkəzi ,Unicef-in Azərbaycan Ofisi və Avropa İttifaqının birgə layihəsi olan "Azərbaycanda Uşaqlar üçün Ədliyyə Mexanizmlərindən İstifadənin Dəstəklənməsi” layihəsi çərçivəsində "Aztəminatlı ailələrə uşaq hüquqları üzrə hüquqi xidmət” bir illik hesabat verdi . Görüş zamanı həmçinin Unicef-in Azərbaycan ofisinin rəhbəri cənab Edvard Carvardinin iştirakı ilə layihə çərçivəsində orta-dövr icmalı və "Zorakılıqdan uzaq uşaqlıq”adlı strategiyanın müzakirəsi təşkil edilib.
Tədbirdə Ağcabədi rayon İcra Hakimiyyətinin ictimai siyasi və humanitar məsələlər şöbəsinin müdir müavini Təyyar Hacıyev, yetkinlik yaşına çatmayanların işləri üzrə komissiyanın üzvləri, Polis,Səhiyyə , Təhsil,Məşğulluq,DSMF rayon şöbəsinin əməkdaşları iştirak etmişdir.
Hesabatı giriş sözü ilə açan Mərkəzin Qarabağ ofisinin rəhbəri Radə Qafarova layihə barədə geniş təqdimat edərək bir il ərzində 507 əlilliyi olan və qaçqın uşaqlara hüquqi yardım göstərilməsi haqqında məlumat vermişdir.Daha sonra Unicef Azərbaycan ofisinin rəhbəri cənab Edvard Carvardin layihə çərçivəsində fəaliyyət göstərən Mərkəzin xidmətini yüksək qiymətləndirərək bundan sonra davamlılıq üçün əməkdaşlıq əlaqələrinin genişləndirilməsinin vacibliyini vurğuladı.
Sonra qonaqlar rayonda Gənclər üçün Təhsil Mərkəzi nəzdində fəaliyyət göstərən "İnklüziv Təhsil və Uşaq İnkişaf Mərkəzi”ndə aztəminatlı ailələrdən olan və sağlamlıq imkanları məhdud uşaqlarla görüşdü.Uşaqların ifasında səsləndirilən maraqlı musiqi nömrələri və şeirlər qonaqlarda xoş təəsürat yaradıb.
Aktual.az
Xəbər 418 dəfə oxunub.
