"Real"ın baş məşqçisi Rafael Benites bu gün vəzifəsindən uzaqlaşdırıla bilər.

Aktual.az apasport.az-a istinadən xəbər verir ki, klub rəhbərliyi bu məsələ ilə bağlı iclas keçirəcək.

İspan həmkarlarımızın iddiasına görə, rəhbərlik Beniteslə yolların ayrılmasına qərar verəcək. La Liqanın ötən turunda "Rayo Valyekano" üzərində böyükhesablı (10:2) qələbəyə baxmayaraq, 55 yaşlı mütəxəssisin futbolçularla arasının yaxşı olmaması "kral klubu"nu narahat edir. Hətta dekabrın 30-da "Real Sosyedad"a qarşı keçiriləcək növbəti tur matçında komandanı meydana yeni baş məşqçinin çıxarması gözlənilir.

Qeyd edək ki, Benites "Real"ın "sükan"ı arxasına mövsümlərarası fasilədə keçmişdi.