Bu barədə Publika.az-a Dövlət Avtomobil Nəqliyyatı Xidmətinin mətbuat katibi Şəfa Mehmanqızı məlumat verib.

Onun sözlərinə görə, bu saata qədər hava şəraiti ilə bağlı şəhərlərarası avtobuslarda təxirə salınma olmayıb.

"Sadəcə, həm Bakı Beynəlxalq Avtovağzalından rayonlara gedən, həm də gələn avtobusların çatmasında gecikmələr müşahidə edilir. Avtobuslar təxminən yarım və bir saat gecikmə ilə gəlir. Səbəb yolların buz bağlaması deyil. Sadəcə meteoroloji durumla bağlı sürücülərimiz məlumatlandırılıb. Onlar maksimum aşağı sürətlə hərəkət edirlər. Əsas məqsəd sərnişinlərin təhlükəsiz mənzil başına çatmasıdır.

Bildiyiniz kimi qış mövsümü başlayandan Bakıdan rayonlara gedən avtobusların hərəkət istiqaməti dəyişdirilib. Onlar Ağsu aşırımından yox, cənub istiqamətindən hərəkət edirlər”.