“Ramazan bayramı ərəfəsində 2 nəfər ilan sancması, 4 nəfər anitibotiklərdən zəhərlənmə, 1 nəfər isə əqrəb sancması ilə bağlı bizə müraciət edib”.

Aktual.az AzVision.az-a istinadən xəbər verir ki, bu barədə 1 saylı şəhər Klinik Tibbi Mərkəzin Toksikologiya şöbəsinin müdiri, baş toksikoloq Azər Maqsudov deyib. O qeyd edib ki, bu müddət ərzində müraciət edən şəxslərin vəziyyəti orta ağır olub.

“Əqrəb sancması ilə bağlı müraciət edən şəxsin vəziyyəti yüngül idi, ona məsləhətlər verərək yola saldıq. Son bir ayda isə bizə 7 nəfər ilan sancması, 2 nəfər əqrəb sancması, 8 nəfər isə antibiotiklərdən zəhərlənmə ilə bağlı müraciət edib. Həmin şəxslərin vəziyyəti stabildir”.

A.Maqsudov ilan sancmaları ilə bağlı əsasən Bakıətrafı kəndlərdən, Aran rayonlarından, Yevlax, Qəbələ və Tovuzdan onlara müraciət olduğunu qeyd edib.