"Qarabağ" bu gün Çempionlar Liqasının II təsnifat mərhələsinin cavab matçında Lüksemburq təmsilçisi "F91 Dudelange"nin qonağı olacaq.

Aktual.az goal.az-a istinadən xəbər verir ki, komandamızın baş məşqçisi Qurban Qurbanovqarşılaşma haqda öz fikirlərini bildirib:

"Meydançanın vəziyyəti o qədər də yaxşı deyil, bu amil bizim oyunumuza təsir edə bilər. Amma biz sabah maksimum şəkildə çalışacağıq ki, səhvlərə yol verməyək. Rəqibimiz də istəkli komandadır, növbəti mərhələyə vəsiqə qazanmaq üçün vuruşacaq. Bizi ciddi bir oyun gözləyir, həddindən artıq diqqətli olmalıyıq. İki oyunun nəticəsinə görə növbəti mərhələyə vəsiqə qazanmaq istəyirik".