Dekabrın 21-də Amerika fond bazarında Dow Jones indeksi 0,72% bahalaşaraq 17 251,62 bənd, S&P 500 0,78% irəliləyərək 2 021,15 bənd, Nasdaq isə 0,93% artaraq 4 968,92 bənd təşkil edib.
Aktual.az "Report"a istinadən xəbər verir ki, Avropa fond bazarlarında FTSE 100 indeksi 0,29% ucuzlaşaraq 6 034,84 bənd, Fransa CAC-40-ı 1,30% azalaraq 4 565,17 bənd, Almaniya DAX-ı isə 1,04% geriləyərək 10 497,77 bənd olub.
Bu gün səhər COMEX-də qızılın bir unsiyasının qiyməti 12,2 dollar yaxud 1,15% bahalaşaraq 1 077,84 dollar olub. Dünya bazarında avronun dollara qarşı məzənnəsi isə 1,0919 (+0,47%) təşkil edib.
