"Azəravtoyol” ASC-nin mətbuat xidmətindən Aktual.az-a bildirilib ki, belə ki, "Lada Priora” markalı avtomobilin Ziya Bünyadov prospektinin Atatürk prospekti ilə kəsişməsində yerləşən yol ötürücüsündə "20 Yanvar dairəsi” istiqamətində hərəkətdə olarkən körpünün mühəccərlərinə çırpılmış, nəticədə mühəccərlərin bir hissəsi dağılmış və deformasiyaya uğramışdır.

Hadisə yerinə baxış keçirilərkən məlum olmuşdur ki, qəza zamanı yol ötürücüsünün 8 paqon-metr məhəccəri dağılıb və deformasiyaya uğrayıb, nəticədə yol təsərrüfatına təqribən 1200 manat ziyan dəyib.

Dəymiş ziyanla bağlı fakt aktlaşdırılaraq aidiyyəti üzrə göndərilib.

 

 

 

Aktual.az