Millət vəkiliQ.Paşayeva İstanbulda Xocalı soyqırımı həqiqiqətlərinin dünyada yayılmasına ədəbiyyatın,sənətin və sosial medianın gücündən daha geniş istifadə ilə bağlı geniş məruzə ilə çıxış edib.

Millət vəkiliQənirə Paşayevaİstanbulda İstanbul Böyükşehir bələdiyyəsi və Türk Ədəbiyyatı Vəqfinin birlikdə təşkil etdiyi "Xocalı Soyqırımının 25-ci ildönümü" adlı konfransda "Xocalı soyqırımı həqiqətlərinin dünyada geniş yayımasında ədəbiyyatın, sənətin və sosial medianın rolu" adlı geniş məruzə ilə çıxış edib.Əli Əmiri Əfəndi Mədəniyyət Mərkəzində şair Özcan Ünlünün sədrlik etdiyi konfransda millət vəkiliQənirə Paşayevailə yanaşı, xalq şairi Sabir Rüstəmxanlı, yazar İmdat Avşar, Mədəniyyət Universitetindən dosent Bəxtiyar Aslan iştirak edirdi.Konfransdan öncə Xocalı Soyqırımı ilə bağlı, Xocalıda yaşanan vəhşiliyin görüntülərini əks etdirən film nümayiş olundu.Konfransda çıxış edən xalq şairi Sabir Rüstəmxanlı Qarabağın tarixindən və taleyindən bəhs etdi.Dosent Bəxtiyar Aslan Ərdahan bölgəsindəki erməni vəhşiliklərindən və ermənilər tərəfindən qətl edilən türklərin kütləvi məzarlardan danışdı.İmdat Avşar isə insan və torpaq arasında bir bağ olduğunu, torpağın vətən olması üçün bu bağın vacibliyini qeyd etdi, Qarabağda bu durumun yaşandığını, türklərin bu torpaqlarla bağının qoparılması siyasətinin yüzildir davam etdirildiyini dedi.Millət vəkili Qənirə Paşayeva geniş məruzəsə ilə çıxış edərək Türk dünyasını Xocalı soyqırımı həqiqətlərinin yayılmasında səylərini artırmağa çağırıb: "Bundan 25 il öncə Xocalıda bir soyqırım törədildi. Ermənistanın Azərbaycan torpaqlarının 20 faizini işğal etməsi nəticəsində bir milyon insanımız qaçqın və məcburi köçkünə çevrildi.Bu məsələ qanayan bir yara olaraq davam etməkdədir. Xocalı Soyqırımını törədənlər ədalət qarşısında cavab verməlidir. Biz Xocalını unutmadıq, unutdurmayacağıq. Bu məsələni hər an dünya gündəmində saxlamaq üçün bu dövrün dili ilə danışacağıq. Bu dövrün (çağın) dili nədir? Bu dövrün dili kinodur, internetdir, virtual aləmdir, ədəbiyyatdır, sənətdir... Qarabağ həqiqətlərini və Xocalı Soyqırımını bütün dünyaya duyurmaq və bu soyqırımı törədənlərin ədalət qarşısında cavab vermələri üçün hər imkandan istifadə edilməli, vicanları hərəkətə gətirən, ən azından bu faciəni vicdanlarda məhkum etdirən sənədli filmlər, kinolar daha da artmalı, dünyanın bir çox dillərinə tərcümə etdirərək yaymalıyıq. Beləliklə bu məsələni daha təsirli şəkildə anlatadacağıq."Konfransdan sonra Türk ədəbiyyatının Xocalı soyqırımına həsr edilən fevral sayı konfrans iştirakçılarına pulsuz təqdim edildi.