Bildirdim ki, Azərbaycan-Türkiyə Parlamentlərarası Dostluq Qrupunun üzvü olaraq Türkiyədə səfərlərdə oluram və orada insanların bəzi məsələlərə baxışını Liberal Qrup üzvləri ilə bölüşmək istəyirəm. Özəlliklə Türkiyədə son zamanlar baş verən terror hadisələri ilə əlaqədar bu ölkədə yaşayan insanların böyük bir hissəsi Avropanın, Avropa təşkilatlarının, AŞPA-nın Türkiyəyə gərəkli dəstəyi vermədiyini düşünürlər. Türkiyədə insanların bir çoxu PKK, İŞİD və digər terror təşkilatlarına qarşı mübarizədə və Suriyadan köçkün düşmək məcburiyyətində qalmış və Türkiyəyə sığınmış köçkünlərə kömək məsələsində də Türkiyənin yalnız buraxıldığını düşünürlər. Belə bir fonda Türkiyə ilə bağlı təcili müzakirələrin aparılması AŞPA-nın ən böyük üzvlərindən biri olan Türkiyə ilə təşkilatımız arasında əməkdaşlığa mənfi təsir göstərməklə yanaşı Türkiyədə yaxın günlərdə keçiriləcək referenduma münasibətdə də doğru qəbul edilməyə bilər. Bu referenduma mənfi təsir göstərmək kimi də qiymənlədirilə bilər və doğru qəbul edilməyə bilər. Yaxın Şərqdə baş verən proseslər baxımından da Türkiyə ilə əməkdaşlığın daha da genişləndirilməsi vacibdir nəinki onun zədələnməsi. Ona görə də Liberal Qrup üzvlərinin Türkiyə ilə bağlı təcili müzakirələrin açılmasının əlehinə olmağa çağırıram.

Çox məmun oldum ki, Avropa Şurası Parlament Assambleyasında bir az öncə keçirilən səsvermədə Türkiyə ilə bağlı təcili müzakirələrin aparılması tələbi qəbul edilmədi.