Qax rayonunda ağır yol qəzası baş verib.
APA-nın Şəki-Zaqatala bürosunun verdiyi məlumata görə, hadisə Qax rayonunun girəcəyində baş verib.
10-UX-515 dövlət nömrə nişanlı "Niva" markalı avtomobil qarşıdan gələn 99-BS-466 dövlət nömrə nişanlı "Mercedes" markalı avtomobili ilə toqquşub.
Nəticədə “Niva" markalı avtomobilin sürücüsü və 2 sərnişini, "Mercedes" markalı avtomobildə isə 2 nəfər hadisə yerində ölüb.
Hadisə yerinə FHN-in Şəki və Qax rayon Dövlət Yanğından Mühafizə Hissəsinin yanğınsöndürənləri və xilasediciləri cəlb edilib.
Faktla bağlı araşdırmalar aparılır.
Aktual.az
