Aktual.az xəbər verir ki, bunu AzNews.az-a açıqlamasında "Azəravtoyol” ASC-nin mətbuat katibi Anar Nəcəfli bildirib. O, qeyd edib ki, noyabrın 22-dən başlayan qarlı-şaxtalı hava şəraiti paytaxt və bölgələrdə hər hansı bir problem yaratmayıb:

"Bəzi yollar, məsələn, Bakı Dairəvi Yolu buz bağlayıb. Həmin ərazilərə duz-qum qarışığı səpilib. Biz hər payız və qış aylarında gücləndirilmiş iş rejimində işləyirik. Bu məqsədlə hələ yay aylarından tədbirlər planı hazırlanır və o mövsüm boyu həyata keçirilir.” 

A.Nəcəfli hazırda bütün texnikanın hazır vəziyyətdə olduğunu qeyd edib: 

"Qarşıdakı ayları nəzərə alaraq, qum-duz ehtiyatı toplanır. Yəni, "Azəravtoyol” qışa hazırdır”.