Aktual.az klubun rəsmi saytına istinadən xəbər verir ki, komanda bu gün Şotlandiyaya yollanacaq. Ağdam klubunu Aberdin şəhərinə aparacaq təyyarə saat 17:00-da Heydər Əliyev Beynəlxalq Hava Limanından yola düşəcək.

Baş məşqçi Qurban Qurbanovun oyunöncəsi mətbuat konfransı və komandanın son məşqinin vaxtı da müəyyənləşib. Belə ki, Qurban bəy bu gün Bakı vaxtı ilə 21:40-da mətbuat konfransında iştirak edəcək. Komandanın oyunöncəsi son məşqi isə Bakı vaxtı ilə 22:00-da matçın oynanılacağı "Pittodri” stadionunda baş tutacaq.

"Aberdin" - "Qarabağ" matçı avqustun 26-da "Pittodri" stadionunda Bakı vaxtı ilə 22:45-də keçiriləcək.