"Qarabağ"ın daha bir futbolçusu Braziliyaya qayıda bilər.
Aktual.az xəbər verir ki, Braziliyanın "Viktoriya” klubu Mateus Silvanı transfer etməkdə maraqlıdır.
Qeyd edək ki, 2023-cü ildən "Qarabağ"ın formasını geyinən Mateus Silva 107 rəsmi oyunda iştirak edib, 4 qol vurub və 4 məhsuldar ötürmə edib. Onun müqavilə müddəti 2027-ci ilin yayına qədərdir.
Xatırladaq ki, daha əvvəl Braziliyanın "Botafoqo" futbol klubu "Qarabağ"ın yarımmüdafiəçisi Pedro Bikalyo ilə müqavilə imzalamaq üçün ikinci dəfə rəsmi təklif göndərib.
Xəbər 53 dəfə oxunub.
