"Dağlıq Qarabağ münaqişəsi yalnız danışıqlar yolu ilə nizamlana bilər".

Aktual.az Report-a istinadən xəbər verir ki, bu fikirlə şənbə günü Bern şəhərində Azərbaycan və Ermənistan prezidentləri İlham Əliyev və Serj Sarkisyanla görüşən İsveçrənin xarici işlər naziri Didye Burkxalter səsləndirib.

"Bu gün iki dövlətin rəhbəri ilə görüş zamanı federal müşavir Didye Burkxalter qeyd edib ki, Dağlıq Qarabağ münaqişəsi yalnız ardıcıl danışıqlar prosesində nizamlana bilər", - deyə İsveçrə XİN-in məlumatında bildirilir.

Məlumatda bildirilir ki, "İsveçrə diplomatiyasının rəhbəri tərəfləri dialoqu möhkəmləndirməyə və hər hansı bir zorakılıq və ya təxribat aktlarından imtina etməyə çağırıb. Onun sözlərinə görə, İsveçrə görüşləri özündə qəbul etmək və ekspertlər verməklə dialoqun inkişafı üzrə səyləri dəstəkləməyə hazırdır". 

Aktual.az