Bir sıra Avropa ölkələrinin səfirlikləri "070” kodu ilə keçmiş qondarma rejimin "pasportunu” daşıyan şəxsləri qəbul etmək və onların sənədlərini yoxlamaqdan imtina edir.
Aktual.az xəbər verir ki, bu barədə "Sputnik Ermənistan” məlumat yayıb.
Xüsusilə Litva, Polşa, İspaniya və Çexiya səfirliklərinin sözügedən "pasport”la gələn vətəndaşları geri qaytardığı bildirilir.
Səfirlik nümayəndələri "070” kodu olan bu "sənədlərin” Ermənistan vətəndaşlığını təsdiqləmədiyini və heç bir ölkəyə aid olmadığını qeyd edirlər. Bu səbəbdən onların ərizələrinin nəzərdən keçirilməsinin mümkün olmadığı deyilir.
Maraqlıdır ki, son günlər sadəcə Qarabağdan köçənlər deyil, Ermənistan vətəndaşlarının da Avropa ölkələrindən viza almasının çətinləşdirildiyinə dair məlumatlar yayılır. Hətta bəzi Avropa ölkələrində ermənilərə qarşı neqativ hərəkətlərin müşahidə olunduğu bildirilir.