Bu günlərdə Bakı şəhərində 100 xanalı dama üzrə 10,13, 16, 19 yaşa qədər qızlar və oğlanlar arasında Azərbaycan birinciliyi keçirildi. 

Aktual.az-ın məlumatına görə, Azərbaycan Respublikası Gənclər və İdman Nazirliyinin, Azərbaycan Dama Federasiyası ilə birgə təşkil etdiyi yarışa Bakı, Sumqayıt, Gədəbəy, Şirvan və Gəncə şəhərlərindən 70-dən çox damaçı qatılıb.

Yarış hər qrupda dairəvi sistem üzrə keçirilib. Tədbirdə Azərbaycan Dama Federasiyasının birinci vitse prezidenti Tağı Əhmədov və federasiyanın Baş katibi Boris Muşailov iştirak edib. Məlumat üçün bildirək ki, 100 xanalı dama üzrə Azərbaycan birinciliyində iştirak edən Gədəbəy Şəhəri 1 saylı orta məktəbin 2-ci sinif şagirdi Abbasov Fərid Firdovsi oğlu turnirdə II yeri tutaraq adını Tallin şəhərinə dəvət edilən qonaqlar sırasına yazdırıb. 

Qeyd edək ki, qaliblər 01-07 avqust tarixində Estoniyanın Tallin şəhərində keçiriləcək Avropa birinciliyində Azərbaycanı təmsil edəcəklər.

Aktual.az