“Lokomotiv” futbolçunu böyük məbləğdə cərimələyib.

“Lokomotiv” futbol klubu yarımmüdafiəçi Dmitri Tarasovu 300 min avro dəyərində cərimələyib və fevral ayındakı bütün bonuslardan da məhrum olub.

Aktual.az Oxu.Az-a istinadən xəbər verir ki, bu barədə “R-Sport” klubdakı mənbələrinə istinadən xəbər yayıb.

Klub həmçinin əgər UEFA Moskva təmsilçisini cərimələrsə, həmin məbləğin də futbolçunun maaşından tutulması variantını gözdən keçirir.

Tarasov “Lokomotiv” - “Fənərbaxça” ilə oyundan sonra Vladimir Putinin təsviri olan köynəyi nümayiş etdirdiyinə görə cərimələnib. UEFA oyunçuya qarşı inzibati iş açıb.

Avropa Liqasının “Lokomotiv” və “Fənərbaxça” arasında cavab matçı fevralın 25-də Moskvada keçiriləcək.