Avrasiya İqtisadi Birliyinin ölkə başçılarının iclası zamanı Ermənistan və Rusiya prezidentləri Serj Sarkisyan və Vladimir Putinin görüşəcəyi istisna edilmir.
Aktual.az AzVision.az-a istinadən xəbər verir ki, bunu erməni jurnalistlərə Moskvada verdiyi açıqlamasında Rusiya XİN-in MDB ölkələri dördüncü departamentinin direktoru Aleksey Pavlovski bildirib.
Onun sözlərinə görə, görüş mayın 31-də baş tuta bilər: “Bizim ölkələrin rəhbərləri ehtiyac olduğu vaxt görüş, əlaqə yaradırlar və bunun üçün heç bir təşkilatı əngəllər yoxdur”.
Qeyd edək ki, Avrasiya İqtisadi Birliyinin ölkə başçılarının iclasının növbəti görüşü mayın 31-i Qazaxıstan paytaxtı Astana keçiriləcək.
