Ermənistan prezidenti Serj Sarkisyan avqustun 10-u rusiyalı həmkarı Vladimir Putinin dəvəti əsasında Moskvaya səfər edəcək.

Bu barədə Azvision.az  Kremlin rəsmi saytına istinadən xəbər verir. 

“Danışıqlar zamanı siyasi, ticari-iqtisadi və humanitar sahələrdə qarışlılıqlı əlaqələrin ən yüksək səviyyədə müzakirəsi, həmçinin Avrasiya məkanında inteqrasiya prosesləri diqqət mərkəzində olacaq”, - deyə məlumatda bildirilir. 

Məlumata qeyd olunur ki, liderlər bir sıra aktual beynəlxalq və regional problemlər üzrə də fikir mübadiləsi aparacaqlar. 

Qeyd edək ki, avqustun 8-i Bakıda Azərbaycan, Rusiya və İran prezidentləri - İlham Əliyev, Vladimir Putin və Həsən Ruhaninin görüşü keçiriləcək. Prezidentlər həm ikitərəfli, həm də üç tərəfli formatda görüşəcəklər.