Bu gün Bakı Ağır Cinayətlər Məhkəməsində narkotik maddə saxlamaqda təqsirləndirilən 28 yaşlı Aqşin Salmanovun cinayət işi üzrə məhkəmə prosesi davam edib.
Aktual.az Trend-ə istinadən xəbər verir ki, prosesdə məhkəmə istintaqının yekunlaşdığı elan olunub və dövlət ittihamçısı təqsirləndirilən şəxsin 7 il azadlıqdan məhrum edilməsini istəyib.
Təqsirləndirilən şəxsin vəkili çıxış üçün məhkəmədən vaxt istəyib. Məhkəmə prosesi fevralın 1-ə təyin edilib.
İttihama görə, A.Salmanov qaydasız döyüşlə məşğul olub. "Ruslan" döyüş klubunun təmsilçisi olan A.Salmanov bir çox yarışların iştirakçısı olub.
O, Cinayət Məcəlləsinin 234-cü (narkotik vasitə saxlama) maddəsinə əsasən ittiham edilir.
Aktual.az
Xəbər 665 dəfə oxunub.
