Pezeşkian səfirliyimizə hücum edən şəxslə bağlı danışdı

Pezeşkian səfirliyimizə hücum edən şəxslə bağlı danışdı

İran Prezidenti Məsud Pezeşkian Azərbaycanın İrandakı səfirliyinə hücum edən şəxslə bağlı məhkəmə hökmünün icrası məsələsinə münasibət bildirib.
Aktual.az APA-ya istinadən xəbər verir ki, İran dövlət başçısı bu barədə bu gün Azərbaycan Respublikasının Baş nazirinin müavini Şahin Mustafayevi qəbul edərkən bildirib.
"Azərbaycan Respublikasının səfirliyinə hücum edən şəxsin işi üzrə məhkəmə prosesi ilə bağlı biz hüquqi proseslərin tam həyata keçirilməsinə qədər bu məsələni izləyəcəyik”, - Məsud Pezeşkian vurğulayıb.
Xatırladaq ki, 27 yanvar 2023-cü il tarixində Azərbaycan Respublikasının İran İslam Respublikasındakı səfirliyinə silahlı hücum olub.
Hücum edən şəxs "Kalaşnikov” markalı avtomat silahla mühafizə postunu yararaq, mühafizə xidmətinin rəisi Orxan Əsgərovu qətlə yetirib.
Səfirliyin mühafizə xidmətinin iki əməkdaşı - Vasif Tağıyev və Mahir İmanov hücumun qarşısını alarkən yaralanıblar. Terror aktını törədən Yasin Hüseynzadə saxlanılıb. Onun barəsində bu ilin fevral ayında edam hökmü çıxarılıb.
Xəbər 146 dəfə oxunub.

YAZARLARIMIZ

SEÇİLMİŞ

SON XƏBƏRLƏR